ಗಗನಕುಸುಮಗಳು

ಆಗ ತಾನೇ ಅರಳಿದ ಮಲ್ಲಿಗೆ

ಮೆಲ್ಲಗೆ ಸುವಾಸನೆ ಬೀರಿ ಪರಿಸರ

ಮುದಗೊಳಿಸಿ ಹದವಾಗಿ ಹೀಚಾಗಿ

ಕಾಯಾಗಿ ಗಟ್ಟಿಗೊಂಡು ಹಣ್ಣಾಗಿ

ನೆಲಕ್ಕೆ ಬೀಳುವ ಸಮಯ

ಪಾರಿವಾಳಕ್ಕೆ ಚಂಗನೆ ಹಾರಿ

ಬಾಹ್ಯಾಕಾಶದಲ್ಲಿ ತೆಲಬೇಕಂದರೆ

ಅದರ ರೆಕ್ಕೆಗಳು ಕಾಲ

ಹಿಂದೆ ಕತ್ತರಿಸಿ ನಡೆಯಲು

ಬಾರದಂತೆ ಹಿಂಸಿಸಿ ಮನದ

ಮುಂದೆ ಧ್ಯಾನಸ್ಥ ಪರಿಧಿಯಲಿ

ಇಲಿಯಡ್ ಮಹಾಕಾವ್ಯ

ರಾಮಯನದಂತೆ ಸೀತೆಗೂ

ವನವಾಸ ನೌಸಿಕಾಗೆ ಬರಿ ಸಿಡಿಲು

ಬಡಿದು ಸಂಜೆ ಹೊತ್ತಿಗಾಗಿ ಕಾಯ್ದು

ಮುಗಿಲು ಚಿತ್ತಾರ ಬಿಡಿಸಿದಾಗ

ಮಲ್ಲಿಗೆಗಳೆಲ್ಲ ನಕ್ಷತ್ರದಂತೆ

ನೆಲದ ಮೇಲೆ ಹಾಯಾಗಿ

ಹೊಳೆಯುತ್ತವೆ ಗಗನಕುಸುಮಗಳು.

- ಡಾ. ಡಿ. ಬಿ. ಗವಾನಿ